السادة الزملاء دقيقه اذا تكرمتم

السلام عليكم ورحمة الله وبركاته
ارحب بكل السادة الزملاء فى كلية التجارة ويشرفنى انضمامكم الى المنتدى
واضافة كل ماهو جديد فى اى فصل من فصول الكلية
فلو استطعنا ان نلبى كل احتياجات زملائنا من معلومات ومساعدات فى هذا القسم
فهذا فى حد زاته انجاز حقيقى لنا جميعا
اتمنى من الله ان ننجح فى هذه المهمه
ولكم منى تحيه

السلام عليكم ورحمة الله وبركاته

اهلا بك عمده
الكلام داه انا نفسى اقوله ونفس المشاركات تكتر
انا اوافقق على هذا الموضوع

انت دلوقتى فى الترم كم
انا فى الاول ورايحه الثانى ياربت تقولنا على المهم من الترمات الى بعد كده من واقع خبرتك

اهلا بكم واتمني ان يكون في هذا المنتدي فائدة لنا جميعا ويعود علينا بالنفع

ekram كتب:: انت دلوقتى فى الترم كم
انا فى الاول ورايحه الثانى ياربت تقولنا على المهم من الترمات الى بعد كده من واقع خبرتك

انا ان شاء الله رايح الترم الرابع ودايما المهم فى الامتحانات هو انك تشوفى الامتحانات القديمه دى مهمه جدا
وفى كمان مذكرات الصقر والفيروز ومذكرات البركه
الحقيقه هو ده اللى كنت بركز عليه كل ترم والامتحانات اللى فاتت بيجى منها كتير جدا

كلامك جميل والله يا عمدة وايدى معاك

على حلمى كتب:: كلامك جميل والله يا عمدة وايدى معاك

الله يكرمك يا اخ على اهم شئ المنتدى يكون فى اعضاء كتير عشان نقدر نتواصل ونستفيد

السلام عليكم ورحمة الله وبركاته
وكل سنة وإنتوا طيبين.. اللهم بلغنا رمضان وأعنا على صيامه وحسن قيامه

الزميل الفاضل .. هل في أخبار عن نتيجة إمتحانات يوليو 2009؟
ياريت الرد سريعا
مع الشكر

والله انا سمعت انها يوم 29 /8 الله اعلم بئا الكلام صح ولا لا

اهلا بيك ياعمد انا ليه عندك طلب ارجوك تهتم بيه انا عايزة الامتحانات القديمة انا مش عارفه احملها من على صفحتى الرئيسية طبعا زى مانت عارف انا فى الترم الاول والمواد بتاعتى الرياضيات 1 ومحاسبة 1 وادارة ارجوووووووووووووك ياعمدة اوعى تنسانى وارجو كل الاعضاء اللى ممكن ينزلوا الامتحانات القديمة للترم الاول عشان كلنا نستفيد وجزاكم الله كل خير

المشكله مقدرش اجيب المواد للترم الاول لانى فى الترم الخامس يا ساسى وعموما المنتدى فى اعضاء كتير ترم اول ممكن الكل يتواصل واللى محتاج حاجه ياخدها من الثانى

السلام عليكم جميعا طلاب وطلبة التعليم المفتوح انا سعيد جدا لانضمامى لهذا المنتدى الذى يجمعنا سويا

اهلا عمدة كنت عايزك نعمل استفتاء بين الطلبة عن موضوع مهم وهو كيف نطلب من ادارة الجامعة حذف عبارة التعليم المفتوح من شهادة التخرج ولاكتفاء بعبارة جامعة القاهرة اية رأيـــــــــــــــــــــــــــــــــك؟؟؟؟ ارجــــــــــــــــــــــــــــــــــوا العمل منا جميعا على هـــــــــــــــذا الموضــــــــــــــــــــوع وشكرررررا......

السلام عليكم ورحمة الله وبركاته
مش عارفة ليه انا لى راى مختلف بعد اذن عمدة
انا شايفة ان كلمة تعليم مفتوح فى شهادة التخرج شرف ووسام لينا ياجماعة
لانها تدل على اصرارنا على مواصلة طلب التعلم
ومحاولة تحسين مستوانا
انا شخصيا لما بعرف الدكاترة فى التعليم العالى بنفسى بقول انى خريجة تعليم مفتوح رغم انى ممكن ماقولش لكن انا بقول ده وانا فخورة انى استطعت اجلس بجانب خريج التعليم الانتظامى واتفوق عليه فى الماجستير
ولما بيقابلنى خريج حقوق انتظامى ويقولى انك خريجة تعليم مفتوح
برد عليه ان المعيار اللى بينى وبينك هو المعلومة وساحة العمل
والحمد لله اصرارى بيخلينى متميزة عنغيرى
ده رايى والاختلاف فى الراى لايفسد للود قضية
تقديرى واحترامى
فاطمة الوكيل
ليسانس حقوق جامعة القاهرة (تعليم مفتوح)
ودراسات عليا فى القانون الخاص
والعلوم المالية والضرائب

ده كان رأى يا جماعة واشكر الاخت فاطمة واتمنى ان ارى العديد من الاراء حول هذا الموضوع لانى مثلا سمعت ان بعض الشركات او المصالح لا توافق بسهولة على تعينا وانا طبعا معترض بشدة على اى عنصرية لآننا بجد بنتعت اووى حتى نحصل على هذة الشهادة ونضحى بالكثير لننول هذة المكانة الآجتماعية وانا امامى اربعة مواد فقط فى التيرم الثامن واحصل بأذن الله على بكالوريوس تجارة شعبة محاسبة واتمنى لطلبة التيرمات اللى لسة ف البداية الاصرررررررررار وعدم الخوف من اى مادة لان الآصرار والجدية هما الطريق الوحيد للنجاح .......عفوا على الآطالة

» تعارف مع الزملاء