مساعده من فضلكم ممكن

السلام عليكم ورحمه الله وبركاته
بصوا ياجماعه انا عضوه جديده واللى شجعنى على الدخول هنا بصراحه التعاون الغريب اللى بينكم والمحبه حاجه كدا تحس ان حبكم لبعض عامل زى الاسماء مابيتغيرش او عامل زى الموت مابنعدش مرتين بجد شئ جميل جدا انا محتاجه منكم مساعده ومتاكده ان لو هتقدروا تساعدونى هتساعدونى مش عشانى عشان انتم ناس بجد محترمه باختصار انا من محافظه المنيا فى كليه حقوق فى الترم التالت وتقريبا شبه الاولى على فرع المنيا بس انا الترم دا عندى ظروف توفى زوجى ومعنديش سعه نفسيه بصراحه لمذاكره الكتاب كامل انا مش فاهمه حاجه من القانون الادارى معرفش عشان هو صعب فعلا ولاعشان انا مش عايزه افهم ....فقررت استكفى بحل الامتحانات النماذج السابقه بس الاسف مش لاقيه الحلول بتاعت الامتحانات دى على الصفحه بتاعتى فلو حد ممكن يتكرم ويكون من القاهره ويجيب نسخه محلوله من المركز ويضعها لنا بجد يبقى شكرا قوى له انا بجد محتاجه مساعده انا لو مش لاقيت امتحانات الاسئله دى يمكن مادخلش الماده ارجوكم ربنا يكرمكم لو تقدروا تساعدونى ساعدونى

sadon كتب:

أولاً أختي الفاضلة / بسنت
اهلا وسهلا بيكي في المنتدى بين اخوانك واخواتك
وثانياً : البقاء لله في زوجك وسبحان من له الدوام
وربنا يعوضك خير ان شاء الله ويلهمك الصبر ويبدلك محل الحزن سعادة
وربنا يفوقك في حياتك كلها
ولا اطيل عليكي أختي الفاضلة كان بودي اقدم لكي اي مساعدة بس انا في الترم الثاني
لكن معانا أخويا كمال المصر وأخويا خالد والأخت ندى وهم في الترم التالت
وهم ناس محترمة جدا ومتفوقين ومش هيتأخروا عنك ابعتيلهم رسالة وان شاء الله
هما يدلوكي وربنا معاكي ان شاء الله ويوفقك
دمتي بكل الخير

شكرا لك سيدى الفاضل

البقيه في حياتك يا بسنت

والله عندى نفس المشكله ودخلت عشان الاقي اي حد يساعدني ياريت يا جماعه الخير ساعدونا
ساعدنا

ساهدونا

ساعدونا

انا عرفت ان فى مكتبه فى القاهره ياعاليه اسمها مكتبه المستقبل بيقولوا فيها نسخه من حلول الامتحانات بس للاسف مش عارفه فين عموما لو اقدرت اعرف حد فى القاهره يبعتهالى او سواق وهو جاي يجبهالى هبلغك وهحطها كمان على الموقع بس انا مش عارفه هقدر اشوفها اصلا قبل الامتحانات ولا لا

شكرا يا بسنت مكتبه المستقبل قدام الجامعه حروح اشوفها بكرة ربنا يسهلها علينا

السلام عليكم ورحمة الله وبركاته ،،،
الاخت بسنت والاخت عاليه
بالنسبة للترم الثالث مش صعب ولا حاجة
بالنسبة للاداري
يفضل تلخيص اجاباتك من الكتاب وتكون اجاباتك مختصرة علشان الدكتور ثروت بدوي مبيحبش الكلام الكتير
هو عايز ماقل ودل يعني القليل ده يدل على انك فاهمه الموضوع 0
وياريت بلاش الاستعانة بالمذكرات الخارجية بالذات في القانون الاداري
وانا ححاول اجيبلك اهم الاسئلة والصفحات اللي فيها الاجابات من الكتاب 00
وكلنا اخوة لكما واي حاجة تطلبوها تحت الامر 0000000000
سلطان
ترم خامس

ربنا يبارك فيك يا استاذ سلطان

شكرا قوى لك ياستاذ سلطان على مشاعرك النبيله

طيب كويس انك طلعتى عارفها ياريت بقى لو تتعبى وتبعتلى نسخه على الاميل باى شكل لانى مش قادره اوصل لحد او بمعنى اصح انا ماكنش لى حد غير محمد وحاليا مش عارفه حتى لو سافرت مصر اكيد هضيع فيها لانى عمرى ماسافرت لوحدى ولك تحياتى

الاخت عاليه والاخت بسنت
ارجو الاطمئنان عما اذا كنتما عثرتما على طلبكم من عدمه
بالتوفيق ان شاء الله ،،،،،

الشكر الجزيل لله وللأخوه على تعاونكم معنا

جزيتم عنا خير الجزاء