مساعده عاجله لاخوكم ومتقدم جديد للتعليم المفتوح

السلام عليكم ورحمة الله وبركاته

معكم اخوكم احمد من اسكندريه معايا ثانويه عامه سنة 2002 واعمل الان فى مجال الحاسب الالى

سمعت عن التعليم المفتوح واريد التقدم فيه ولكنى الى الان لم استطيع اخذ قرار التقدم فى انه كليه .. فى بعض الاخوه نصحونى بالتقدم فى كلية الحقوق جامعة القاهره لانها افضل واسهل من جامعة اسكندريه وايضا الحضور فيها لن يكون كثيرا خصوصا انى صاحب عمل والمذاكره والحضور حتكون صاعبه بالنسبه لى .. وفى ايضا اخوه نصحونى فى كلية الحاسبات لانها حتكون خاصه بمجالى فى شغل الكمبيوتروحتفيدنى اكتر بس محتاجه مذاكره وده مخلينى محتار جدا مش عارف اقدم فى حاسبات ولا اقدم فى حقوق

هل اللى بسمعه ان متقدمين الجامعات المفتوحه بينجحوا بسهوله لانهم دافعين فلوس ولا هذا الكلام خاطىء

ارجوكم التمس منكم النصيحه لانى اريد التقدم فى هذه السنه مع الاخذ فى الاعتبار انى راجل صاحب عمل ووقتى ضيق واريد كليه تنفعنى على هذا الاساس الذى وضحته لكم

منتظر ردكم . مع التحيه

أخي الفاضل سعدنا بمعرفتك
مش عارف ابدأ ازاي
قبل أي شيء أنت الوحيد الذي تحدد رغباتك
شوف ميولك اية وانت عايز الشهادة علشان اية
وبعد كدة أسعى لهدفك
واعلم تمام العلم مفيش كلية من غير مجهود ومذاكرة امال اسمها كلية ليه
ومفيش حاجة اسمها كلية سهلة وكلية صعبة شوفك ميولك لأية لأنك لو حبيت
الكلية اللي انت عايزها هتقدر تكمل فيها
ونصية أخوية مفيش كلية بدون مذاكرة وفي ناس كتير اتصدمت يوم الامتحانات
وعرفت انها كان لازم تذاكر من اول يوم حصلت فيه على الكتب
وقبل كل شيء صلي صلاة استخارة وربنا الاعلم من أي حد بالخير المكتوب لك فين
وتوكل على الله بعدها
وهذا رأيي بكل امانة
وربنا يسمعنا عنك كل خير
وبالتوفيق والنجاح في حياتك
ودمت بكل الخير
أخيك / أسعد

اشكرك اخى على ردك

بس دلوقتى هل لابد من الحضور فى الكليه ؟ لان انا اعمل وصعب جدا ترك شغلى

وانا كنت ادبى فى الثانويه ومجموعى جدا ضعيف بالنسبه للحاسب الالى هل شروطها تقبلنى ولا لا ؟

اتمنى التواصل

مع تحياتى وشكرا لذوقك

السلام عليكم ورحمة الله وبركاته

كلام الأستاذ أسعد صحيح وأزيد عليه حاجة بسيطة
اننا لازم نعرف ان كل شخص فينا يجب أن يدرس قانون
أعتقد إنها مسألة مهمة جدا فى كل مجالات الحياه
حتى لو لم تعمل بليسانس الحقوق
أرجوك ألا تتردد الحياه لاتصح دون اثنين هما العلم والإيمان
أما بالنسبة لمسألة الحضور هى اختيارية وليست الزامية والحضور يوم الجمعة فقط
وجدير بالذكر كلية الحقوق فى التعليم المفتوح وغيرها من الكليات لاتشترط مجموع
لكن الكلام ده حتى الآن لكن ربنا يعلم بكره فى ايه فنصيحتى خير البر عاجله
تمنياتى لك وللجميع بكل التوفيق
اختكم
فاطمة الوكيل

» انا فخور انى طالب بجامعة القاهرة للتعليم المفتوح
» مهم جدا :لكل الدارسين فى مركز جامعة القاهرة للتعليم المفتوح
» الدراسات العليا بمركز جامعة القاهرة للتعليم المفتوح
» الدراسات العليا بمركز جامعة القاهرة للتعليم المفتوح
» هام لطلبة الاعلام جامعة القاهرة للتعليم المفتوح بالسعودية