ارجوكو حد يرد

انا اول مرة اعرف بتدريب الحاسب الالى وخايفه ياثر عليا وهل هو ضرورى على العلم انى حاصله على شهاده ICDL
ووقت التقديم فى المقر قالولى ان الشهاده دى ملهاش لزمه
ارجو التوضيح

سلام عليكو من غير كلام كتير لانى مشغول شويه لاكن باختصار من ناحية المادة العلمية فهومش صعب لانى هو مش امتحان ده تدريب كل اللى بتعملوه انكو بتغيرو خلفية سطح المكتب وماشبه ذلك ثانى من ناحية الاهمية هو مهم جداااا لدرجه انى اللى مش بيحضر بتحجب النتيجه بتعتو اخر العام بغاية مايحضر ارجو ان اكون افتك الرجاء الدعاء لى انى الاقى بنت الحلال شكراااااااااا

يعنى شهاده ICDLملهاش لازمه فعلا؟
وفبل ما انسى ربنا بوفقك وتلاقى بنت الحلال

تدريب الحاسب الآلى سهل جدا جدا

و عرفت أن شهادة ال ICDL بتغنى عن التدريب و لكن لابد أنك تروحى تقدميها فى المركز



تمنياتى لك و لكل الطلبة الجدد بالتوفيق



على فكرة مادة الحاسب الالى أسهل ما يكون

و أى أستفسار أنا فى الخدمة

يعنى شهاده ICDL تغنى عن التدريب ريحتنى الله يريح قلبك


اما بالنسبه لماده الحاسب الالى انا عارفه انها مش صعبه بس كل مشكلتى معاها انها ب الانجليزى لان انا ضعيفه شويه فيه

وشكرا على الرد

نصيحة يا أخت سماح لمادة الحاسب الآلى تفهميها من أسطوانات الدكتور

بعد كده حلى الأمتحانات السابقة أكثر من مرة ,

و قبل كل ده أستعينى بالله أولا



ثم تأكدى بأذن الله من الإمتياز فى المادة دى لأنها مادة إمتياز

ربنا يوفقك و لو عاوزه تعرفى أى شىء تانى عن أى مادة بأذن الله أقدر أفيدك



تمنياتى لك و لكل أخوانى الطلبة بالتوفيق

شكرا...........
وانا فعلا بتابع محاضرات الدكتور بستمرار على صفحتى بس فى مشكله ان المحاضرات التليفزيونيه الموجود عندى 3 محاضرات بس وبتشمل اول وحدتين
وفى انتظار اخر اصدار.....



تنصحنى اعمل ايه.....

السلام عليكم ورحمه الله وبركاته

كيفية حجز تدريب الحاسب الآلى

وسيكون ذلك بطريقتين لحجز موعد للتدريب.
1- عن طريق الصفحة الخاصة بك على الموقع ويتم ذلك من خلال اختيار موعد وعند هذا الموعد تقوم بالذهاب إلى المركز لحضور تدريب الحاسب الآلى.
2- يكون عن طريق الذهاب الى إدارة الاتصالات بالمركز لحجز وتحديد موعد للتدريب وبعد ذلك تقوم بالحضورفى الموعد الذى قمت بتحديده.
ولابد ان يراعى فى الحالتين ان الحضور فى الموعد الذى قمت بتحديده والا سيعرضك عدم الحضور الى دفع غرامة تدريب حاسب الى 10 ج.
وهناك طريقة افضل وهى انك اذا كنت حاصلة على شهادات فى الحاسب الالى مثل (ICDL) تقوم بارسالها للمركز ويتم اعفائك اصلاً من تدريب الحاسب الالى .

op

وشكراً

لو المحاضرات مش كاملة على الموقع حضرتك ممكن تتابعى المحاضرات على قناة الجامعة التعليمية على النايل سات

و تشترى المحاضرة كل أسبوعين من المكتبة الخارجية

و ما تنسيش تتابعى المراجعات على القناة التعليمية قبل كل إمتحان و دى مهمة جدا و ناس كتير بتغفل عنها..

و طبعا حاولى تحضرى المحاضرة الأخيرة فى الجامعة , أو الكونفرانس لكل مادة ..



لا تضعى نصب أعينك أنك ضعيفة فى اللغة الإنجليزية ,, بلاش توهمى نفسك ,, المادة كلها تعتمد على مجموعة قليلة من الكلمات ,, حاولى كل محاضرة تتعلمى الكلمات الغريبة اللى فيها و تراجعيها أكثر من مرة بعد كده حتلاقى نفسك متعوده على الكلمات الجديدة ,, و الغريب حتلاقيه قريب ؛؛؛؛؛

أنتهزى الفرصة التيرم الأول أسهل تيرم ,, حاولى بأذن الله تحصلى على أعلى الدرجات فى كل المواد ,, الواحد بيحس أن الجامعة بتقدره لما بيعملوا منحة تفوق لطالب بغض النظر عن الخصم المالى,,,

نصيحتى لك فى المواد العملية كثرة حل الإمتحانات....

ربنا يقدرنى واعدى التيرم ده على خير


ممكن اعرف تردد قناه الجامعه التعليميه وموعيد المحاضرات عليها
لانى كل اعتمادى فى دراستى على صفحتى على النت بس
.
.
.
متابعه........

السلام عليكم ورحمه الله وبركاته

أستاذى الفاضل
ردودك جميلة ومفيدة وشكلك بتحب تساعد ربنا يقدرك ويقدرنا على المساعدة جميعاً يارب.
op

وشكراً

و عليكم السلام و رحمة الله و بركاته

قال كلمة جامعه مانعة قال: { والله في عون العبد ما كان العبد في عون أخيه } أي: أن الله تعالى يعين الإنسان على قدر معونته أخيه كما وكيفا وزمنا، فما دام الإنسان في عون أخيه فالله في عونه، وفي حديث آخر: { من كان في حاجة أخيه كان الله في حاجته }.



لك جزيل الشكر أخى op

وفق الله الجميع لما يحب و يرضى