كليه الاعلام للمقيمين ف السعوديه

انا فكرت انى اعمل قسم لطلبه الاعلام للمقيمين بالمملكه العربيه السعوديه
عشان نساعد بعضنا وتكون الصفحه ديه مرجع لينا .
وفرصه للتجاوب وحل الاسئله اللى ممكن ترد في ذهن اى دارس اعلام
وياريت من كل دارس اعلام انه يعرفنا عل نفسه يعني يسيب اسمه ,سنه ,في اي مدينه بالمملكه ,ايميله لو حب
وفي اي ترم اعلام دلوقتى وعمل ايه ف الترمات اللى قبل كده؟
بحيث نستفيد من خبرته ونفيد غيرنا
وتكون الصفحه ديه للافاده والاستفاده من حيث الملخصات او المحاضرات او اى معلومه ممكن
تفيدنا ف تخصصنا
وحتى المشاكل اللى بتواجهنا
واكيد الجهود الجماعيه اكيد ف النهايه طريقها النجاح
فاتمنى اننا نجمع جهودنا عشان ننجح كلنا باذن الله.

ياه اخيرا انا ترم اول برضو بس الحمد لله عرفت حاجات كتير انا تحت امرك

صباح الخير يابي مون ونيرة واحمد انا اسراء انا كمان ترم اول وان شاء الله نقدر نساعد بعض وبالتوفيق للجميع ومبسوطة اوي ان في منتدي كويس لان منتدي المركز مش بيشتغل مش عارفه ليه وياريت نفيد بعض بالدنيا ماشيه ازاي المحاضرات والدراسة وكمان الفيديوهات ننزلها ازاي ومعلش طولت عليكم منورين وبالنجاح ان شاء الله

اولا انا اسعد بكتير بالتعرف عليكم كلكم وثانيا المنتدي بتاع موقع الجامعه مش بيشتغل الا بالرقم السري ورقم الطالب اللى الوكيل او الجامعه بتديهولك وهو حاليا في تصليحات ده لو كان معاكى الاي دي بتاعك وبالنسبه للمحاضرات انا ان شاء الله عل الصفحه ديه هنزلكو كل مواد الترم الاول محاضرات مكتوبه ومعانا هنا في المنتدي الاخ الكريم جدا احمد رؤف ترم خامس ممكن يساعدنا ان شاء الله لو طلبنا منه اى حاجه واي معلومات انتو بس اسالو وان شاء الله نجيب الاجابه

انا حمادة من مصر بس طالب بكلية الاعلام ممكن اتواصل معاكم

على فكرة يا جماعة الاعلام اسهل منها مفيش انا حمادة فى ترم سابع الوضوع اسهل من كدة بس ياريت ان كل وحدة تهتم بالمحضرات اوى ومقيم فى القاهرة

اهلا وسهلا بكل طلبه اعلام من مصر او من اي مكان في العالم الصفحه ديه لكل طلبه اعلام عشان نفيد بعضنا ويكون النجاح لينا كلنا ان شاء الله وانا سعيده بالتعرف عليكم كلكم

دعوة للتسامح
أن بلغك عن اخيك شىء تكرهه فالتمس لة العذر
فان لم تجد لة عذرا فقل فى نفسك لعل لاخى عذرا لا اعلمة
احمد رؤف

اسعد الله اوقاتك اخواني واخواتي
أنا راشد
طالب كلية إعلام تعليم مفتوح تيرم خامي
سعودي مقيم بالرياض
صحفي بجريدة الرياض السعودية
اسافر كل تيرم لحضور الامتحانات في جامعة القاهرة
يسعدني ان أفيد واستفيد من اعضاء المنتدى في كل مايحقق طموحنا في دراستنا
ومستقبل واعد للجميع باذن الله
وأرحب بالجميع للتواصل من خلال ايميلي
ra-sk2018@hotmail.com

اهلا وسهلا بيك اخ راشد في اسرتنا الصغيره هنا انا سعيده بالتعرف عليك وعل كل الاعلاميين زمايلنا واتمنالك التوفيق واتمنى اننا نتبادل مع بعض اي معلومه تفيدنا كلنا ان شاء الله

شكرا جزيلا اختي الكريمه بوني مون على ترحيبك
واملي ان نتواصل مع بعضينا فيما يفيدنا وانا يشرفني ذلك
وحبيت اسألك هل امتحاناتك تؤدينها كل عام في السعودية أو مصر
كما بودي ان اقترح على الجميع ان يتفاعلوا مع بعض في الافادة والاستفادة
وللجميع تحياتي وتقديري

خي الكريم انا مسجله جديده في كليه الاعلام وهذا اول ترم لى وبالنسبه انى مصريه فيمكنني اداء الامتحان هنا او في مصر اما بالنسبه للسعوديين فاعرف انه يجب ان يكون الامتحان في مصر فقط
وبالنسبه لى الله اعلم اين سامتحن هنا ام في مصر الله اعلم

أهلين أختي الكريمة
انا بالنسبة لي في كل تيرم أمتحن في القاهرة وهذا أفضل لي لأنني لو يتوفر مكان لعقد الامتحانات في السعودية فلن امتحن فيه أصلا
لأنني في القاهرة اتفرغ للمذاكرة وأبتعد عن جو العمل لأنني أعرف نفسي هنا لن أذاكر أصلا أي مادة وتعودت على كذا أني ما تافتح مذكراتي إلا في القاهرة
والامتحان في القاهرة له جو تاااااااااااني لأنك تحسي بأنك في جامعة محترمة وعريقة
والحمد لله أهوه الحال ماشي وكويس وربنا يوفقنا لاكمال الأترام الباقية وهم ثلاثة
وان شالله نبدأ في التسجيل في للماستر لما أخلصهم بإذن الله
وربنا يوفق الجميع
وشدي حيلك من أول تيرم ولعلمك فكلية الاعلام لذيذة جدا ، وإذا كنتي تهوين العمل الإعلامي فسوف تبدعين فيها

شكرا جزيلا على تعاونكم معي الصراحه انا بحب الاعلام كثيرا والقسم كان خياري التاني من بعد الهندسه والحمد لله لانى لم يتوفر ليا خيار الهندسه دخلت اعلام
واشكر جزيلا المدير العام على كرمه وانه هيعملنا قسم لطلبه اعلام اشكره جداا على اهتمامه وتعاونه

وفقك الله ياختي وان شالله نشوفك متخرجه من قسم الاعلام

واشكرك يابا العمده على هالخبر الساااااااااااااااار ربنا يخليك
ويوفق الجميع ياربي

ياجماعه ايه اشكالات طلبه تعليم مفتوح ديه لما هما مش عايزين يعترفو بينا كطلبه اعلام فتحو القسم ليه من اصله وبعدين ايه يفرق طالب اعلام عن شعبه عامه عن اللى عنده تخصص يعنى هو في الاخر هيخلونا نبل الشهاده ونشرب ميتها وكمان ملناش كارنيهات نقابه؟ بجد ظلم

أختي لعلمك اكتر الناس اللي مسجلة في التعليم المفتوح وخصوصا طلبة الإعلام اصلا بيعملوا بالإعلام
ومهما طل بهم الوقت سوف يستجاب لطلبهم لأنهم إعلاميين

اشكرك اخي الكريم بجد ولاكن انا كمصريه ليا المفروض حق في كارنيه النقابه ولاكن ان لم تعترف بلدنا بينا كاعلامين فمن سيعترف انا عن نفسي مقيمه بالسعوديه وليس عندي امل انى اعمل هنا كاعلاميه لانى لا احمل الجنسيه السعوديه اذن اين ساعمل؟

أختي الكريمة الإعلامي يفرض نفسه أينما كان
ودعي عنك الفوارق التي نوهم أنفسنا أنها تحول بيننا وبين مانريد
والحقيقة أنها عوائق تثبط من هممنا
وهناك الكثير من الإعلاميين المصريين وغيرهم فرضوا انفسهم على الساحة عربيا وعالميا
البقاء للأجود
هل توافقينني الرأي ؟

معك حق ولاكن اعتقد ان هذا الكلام نطمان به انفسنا ولنفرض على سبيل المثال انا احب المواضيع السياسيه وهل ان فرضت نفسي على اي ساحه اين ساكتب رايي او من اين سيعرف الناس رايي ان لم تعترف بشهادتى او لم تقبلنى الوكلات الاعلاميه في العمل عندها

اولا نصيحه ابعدي عن السياسة ووجع القلب
ثانيا لعلمك اغلب الإعلاميين الناجحين لايحملون شهادات إعلامية
فهم هاوون ومتعاونون فاحترفوا العمل اللإعلامي وأبدعوا فيه
إرجعي للإعلاميين في مصر بحكم أنهم هم المعيار في الدول العربية
تجدينهم عانوا الويل قبل ان يبرزوا في العمل الإعلامي
والأن يشار إليهم بالبنان

معك حق اتمنى ان نصل جميعا لاهدافنا والمشكله ان عيوبنا الشخصيه قد تزرع الشك في قلوبنا لاننا جميعا نريد ان نصل للكمال في كل شئ والكمال لله وحده وهذه عيوب البشريه اشكرك اخي الكريم على صبرك وطمانتك لى ولو قليلا شكراا