سؤال انا فى الترم الاول

السلام عليكم
انا ترم اول حقوق ارجو لو فى نصيحه من اى احد معى اوحتى فى مستوى اخر لان حتى الان انا مكتفى بالمزاكره من الكتب والسى دى

اهلا بيك منور المنتدى
بس سؤال بعد اذن حضرتك السى دى بتفهم منه حاجة
خاصة النظم السياسة
ولو عوز تزيد على كدة فى محاضرات مكتوبة وتطبيقات
واسئلة سابقة كدة انتا مية مية لان مادة تاريخ القانون الكتاب كلة مش مقرر
ههههههههتعرف بتفكرنى بنفسى اول ترم ذكرت من كتاب تاريخ القانون كونت
متعقدة جدا قولت الترم هينتهى والكتاب ملهوش نهاية بعد كدة عرفت فى محاضرات
وهى اللى مقرر بس مش الكتاب كله وابتديت ادور على الاسئلة السابقة واحل امتحانات
ومشيت العملية والحمد الله انا فى ترم سادس دلوقتى
موفق باذن الله

اولا شكر لرد
لكن فعلا انا بستغرب دلوقتى يعنى اركز اكتر على محاضرات t vاو كونفرنس وبصراحه انتبه الى نقطه مقرر تاريخ القانون لان الكتاب كبير وكنت هقراء كل دا على الفاضى بس فى مقرر زى المشكله الاقتصاديه دا صراح انا مش فهمه ولا من السى دى

ركز فى المحاضرات المكتوبة
والتطبيقات الموجودة على الصفحة الخاصة بحضرتك
وشوف الامتحانات السابقة وهى فى الصفحة الخاصة بيك
وهى بعنوان امتحانات غير محلوله ولو مش فاهم حاجة اقراء
اكتر من مرة اكيد هتيجى معاك وحضرتك بتقرا اكتب مش تعلم
عشان تفتكر اكتر واحضر فى الجامعة واكتب ور الدكتور
وان شاء الله خير ومتخفش مفيش حاجة مستحيلة بس فى
مجهود زيادة عشان نفلح واى حاجة مش جيه معاك عندك النت او جوجل
اكتب اية حاجة انتا مش فهمها بصراحة بلقى حجات حلوة وسعات مبلقيش رد على السؤال
واه لو معاك زميل تبقى مية مية وهتلقى كتير واى حاجة حضرتك مش فهمه ابعت للاستاذة فاطمة الوكيل وهى باذن الله تسعدك

والله بجد شكرا على رد حضرتك
بس انا كل عملته من يوم تسجيلى هو السى دى والقراءه لكن لسه محضرتش محضرات الجامعه لان انا مسجل فى فرع المنصوره وسالت لقيت ان ممكن احضر فى القاهره فهل المحاضرات بدات وممكن اعرف من الان الملغى والمقرر وان اسف لو بسال كتير

السلام عليكم استاذ/ Student
بدايه اهلا بك معنا عضوا بالمنتدي واتمني الاستمراريه في متابعه المنتدي للاستفادة وافادة زملائك بالمنتدي الذين لا يدخرون جهدا في المساعدة
ثم اهلا بك طالبا بكليه الحقوق واتمني لك التوفيق ... لا ازيد كثيرا عن نصائح الاخت نور لانها اوفت بكل ما يفيد
ولكني انصحك بالاهتمام بالتيرم الاول وعدم التكاسل لانه الدفعه الاولي لك في الكليه والالتزام به سيساعدك في تخطي باقي السنوات
والنصيحة الاخري ان تهتم بالكتابه كثيرا جدااا والقراءة الجيدة وان تحاول فهم الموضوع وان تهضم الفكرة جيدا وان تحاول التعبير عنها بأسلوبك ولا تهتم بالحفظ لانك سترهق زهنك
واذا تعرضت لنسان بعض الاشياء او لم تستطع التعبير عنها بشكل جيد فكل هذا طبيعي خصوصا في التيرم الاول لان مازل العقل في مرحله التنشيط و هون علي نفسك واستعن بالله سبحانه وتعالي واذا تسلل الملل والياس الي نفسك تذكر جيدا السبب الذي جعلك تستكمل دراستك الجامعيه حتي تنهض من جديد
واخيرا اسف للاطاله

دمت بكل الحب والخير والسعادة

عليكم السلام - خالد
اشكرك على الاهتمام بالرد والافاده ولكن ممكن اعرف فى محاضرات فى الجامعه حاليا

اخي المحاضرات بدءت في الجامعه من يوم 8/10
ادخل علي الصفحة بتاعه حضرتك وهتلاقي جدول المحاضرات موجود

مع اطيب امنياتي لك بالتوفيق والنجاح

اهلا استاذ خالد دايما منور
واية النصايح دى كلها
بجد رائع

اهلا بيكي استاذة نور

اتمني فعلا تكون النصائح مفيدة

واتمنا من كل قلبي ان يتعاون الجميع خصوصا الاساتذة دارسي التيرمات الخامس والسادس
وذلك لما لديهم من سابق معرفه بجميع المقررات الدراسيه ... واني علي ثقه في عدم تكاسلهم و تقديم يد المساعدة لزملائهم في المنتدي

دمتي بكل الخير والسعادة

السلام عليكم ورحمة الله
اهلا باى سؤال من طلبة كلية الحقوق خاصة طلبة التعليم المفتوح
وزى نور ماقالت انا تحت امركم فى اى سؤال
وبالنسبة للمحاضرات الجمعة الماضية كان فى اقتصاد وعلم اجرام بالنسبة للترم الاول
وان شاء الله انا دايما فى الجامعة يوم الجمعة وقت الصلاه
ومستعدة لاى طلب او اى مساعدة لطلبة الحقوق او اى طلبة آخرين
وده رقم تليفونى
0161940866
تحياتى
فاطمة الوكيل
ليسانس حقوق جامعة القاهرة تعليم مفتوح
ودراسات عليا فى القانون الخاص والعام

أخي الفاضل Student وأتمنى تعرفنا بأسمك
السلام عليكم ورحمة الله وبركاته
اخي الفاضل اهلا وسهلا بك بين اخوانك واصدقائك ونورت المنتدى
راجياً من الله لك التوفيق وأهلا وسهلا بك في كلية الحقوق وأن شاء الله
تستفيد من هذا المنتدى وتكون محل نفع وإفادة لأخوانك فيه
أخي الفاضل أنا أخيك / أسعد - كلية حقوق - ترم ثاني
أخواني واخواتي الأستاذة / فاطمة والأخ خالد والاخت نور
لم يتركوا لي شيء أحدث عنه فجزاهم الله خيرا قدموا لك كل النصح وكل خبراتهم
وأكرر كلامهم اخي الفاضل أقدم على الدراسة وأملى كيانك بالإصرار والإراداة والتحدي
فمعهم يهون المستحيل وينجلي الصعب اجعل هدفك في التخرج دائماً امامك ليكون لك الدافع
وأبدا عامك الدراسي بتفائل وإرادة وإقبال على الدراسة ولا تتهاون في المذاكرة حتى لا يسرقك الوقت وتفاجأة في يوم والثاني ان الامتحانات على الابواب وتصدم
لا تنظر إلى حجم وكم وريقات الكتب وعدد صفحاتها بل أجعلها مرجع لك
أبدأ بقراءة فهرس الكتاب لكي تعلم ماذا يحوي وعن ماذا يدور ومن ثم الى الامتحانات السابقة والتطبيقات لكي تضع يدك على المواضيع الهامة والمكررة في الامتحانات السابقة وتركز عليها وترتيبها على حسب الاهمية الاهم فالاهم ولا تتجاهل المواضيع غير المكررة لربما يأتي منها سؤال في الامتحان فعليك ولو بقراءتها قراءة عابرة فأبدأ بالمواضيع الاهم فالاهم
اقرا الموضوع كذا مرة حتى تلم بالافكار الموجودة فيه ومن ثم اثناء قراءتك تخرج العناصر الرئسية في الموضوع ومن بعدها العناصر الفرعية واجعل مع القراءة الجيدة مذاكرتك بالكتابة فإن لليد ذاكرة كذاكرة العقل لخص الموضوع باسلوبك وعليك بفهم الموضوع جيداً وحفظ العناصر الرئسية والفرعية فحاول انا لا تمل من القراء والكتابة حتى تفهم الموضوع ومن ثم حل الاسئلة وبالنسبة للنظم السياسية عليك بالتطبيقات فالامتحان لا يخرج منها والأهم من كل ذلك حضور المحاضرات هام جدا
ولا اطيل عليك متمنياً لك التوفيق والنجاح ولو احتجت حاجة كلنا هنا اخوانك
دمت بكل الخير

السلام عليكم ورحمه الله والله اشكركم على على كل النصائح الغاليه هذه وانشاء الله تكون دافع لى لنجاح

السلام عليكم ورحمه الله والله اشكركم على على كل النصائح الغاليه هذه وانشاء الله تكون دافع لى لنجاح

السلام عليكم الاخ الكريم تحية طيبة لك ولكل الزملاء المتواجدين فى المنتدى
الملغى من مادة تاريخ القانون كما ذكره الدكتور فى أخر محاضرة
الرقم المكتوب فى أول السطر يشير ألى رقم المحاضرة الموجودة على الموقع
الخاص بالطالب وقد أشار الدكتور الى أن الامتحان سوف يأتى من هذة المحضرات
وليس من الكتاب لان الكتاب فية توسع كبير
2_مدونة دراكون
مدونة صولون
مدونة الاثنى عشر
3_تطور القانون أول صفحة cheers

4_وسائل تطور القانون صفحة1-2 ونصف صفحة3
تخفيف أثار بعض النظم القانونية المثال الثالث
5_صفحة 1-2
صفحة9-10-11
وأنصحك أخى الحبيب بمحاولة حضور المحضرات الباقية فى الجامعة لانها مهمة جدا
مع تمنياتى لك وجميع الاخوة والاخوات بالتوفيق
flower

نسألكم الدعاء flower

» هام جدا لطلبه الترم الاول
» أستفسار فى الترم البينى من طالب جديد بينكم
» (لكل طلاب كلية التجاره ..الترم الاول) تم توفير ...
» تعارف طلبة الترم الاول كلية تجارة
» خلاصه القسم الاول من ماده تاريخ القانون + سؤال هديه من دكتور